ഗുരുവചനം

ഗുരുവചനം എന്തുകൊണ്ട് മനസ്സിന് അംഗീകരിക്കാനാകുന്നില്ല. എങ്ങനെയാണ് അതിനെ ഉൾകൊള്ളേണ്ടത് ? യുക്തിക്കത് അംഗീകാരമായത് തന്നെയാണ് എന്നാൽ മനസ്സിനത് മനസ്സിലാക്കുന്നതും ഇല്ലല്ലോ എന്താകും കാരണം? കുറ്റം ആരുടെതാണ്?

നമ്മുടെ വാസനയാൽ കലർന്ന് കിടക്കുന്ന സങ്കൽപങ്ങൾ തന്റെതായ ലോകം കെട്ടി ചമച്ച് നമ്മളെ ബന്ധിച്ചിടുന്നു. ആ ബന്ധനത്തിൽ കിടന്നു കൊണ്ട് ഗുരുവിന്റെ ആശയങ്ങളെ ഉൾകൊള്ളാനാവുകയില്ല. കാരണം ലക്ഷ്യം കേന്ദ്രീകരിക്കാതേ കേന്ദ്രത്തിലേയ്ക്കുള്ള ആശയങ്ങളെ എങ്ങനെ മനസ്സിന് ഉൾകൊള്ളാനും.

ഒരു ലക്ഷ്യവും ഇല്ലങ്കിലും പല ആശയങ്ങളെയും യുക്തിക്ക് അംഗീകരിക്കുവാൻ വിഷമം ഉണ്ടാക്കില്ല. ആശയം യുക്തി അംഗീകരിച്ചു എന്നു വച്ച് അത് നമ്മളിൽ പരിവർത്തനം ഉണ്ടാവണമെന്നില്ല. മനസ്സിലെ വാസനകൾക്കത് അംഗീകരിക്കിനിയില്ല അതു കാരണം യുക്തിയും വാസനകൾക്കടിമയായി തീരും.

**കടപ്പാട്  ഗുരുപരമ്പരയോട്**