അതിജീവനം
------------------------
നിഷ്ഠയോടെയും ലക്ഷ്യബോധത്തോടെയും ഉള്ള സാധനയാൽ ഒരുവനിൽ സാധനാ മനസ് രൂപം കൊള്ളുന്നു. ശ്രേഷ്ഠ ഗുണങ്ങളായ ശാന്തതയും സഹനവും നിരുപാധിക സന്തോഷവും അത് സാധകന് പ്രദാനം ചെയ്യുമ്പോൾ അതുവരെ അനുഭവിക്കാതിരുന്ന പ്രശാന്തത അവനിൽ കളിയാടൻ തുടങ്ങുന്നു.
പ്രശാന്തവും കരുണാപൂരിതവുമായ ഈ ഭാവം വാസനാ പൂരിതവും നീച ഗുണ സമ്പുഷ്ടവുമായ തന്റെ അഹംഭാവത്തിനെ ക്രമേണ അതിജീവിക്കാൻ ആരംഭിക്കുന്നു. എന്നാൽ പൂർവ്വകാല സ്മരണകളും പൂർവ്വ കർമ്മസംസ്കാരാർജിത ബന്ധങ്ങളും വ്യക്തികളും എല്ലാം തന്നെ ഈ ഉത്കൃഷ്ട ഭാവത്തിന്റെ ഉന്നതിക്ക് വിഘാതം സൃഷ്ടിക്കുന്നു.
എന്നാൽ ഇത്തരം വിഘാതത്തിന് നിദാനമായിരിക്കുന്നത് തന്നിൽ തന്നെ അന്തർഗതമായിരിക്കുന്ന പൂർവ്വ വാസനകളാണെന്ന് ഗുരുകൃപയാൽ സാധകന് തിരിച്ചറിവ് ഉണ്ടാകുന്നതുവരെയും സാധനാ വ്യക്തിത്വത്തിന്റെ മുന്നോട്ടും പിന്നോട്ടുമുള്ള ഗമനം ക്രമാനുഗതമായി തുടരുക തന്നെ ചെയ്യും.
* കടപ്പാട് ഗുരുപരമ്പരയോട്*
No comments:
Post a Comment