ആത്മദർശനം

"ആത്മദർശനം എങ്ങിനെ സാധിക്കും"???
ആത്മാവ് വേദപഠനംകൊണ്ടോ, വേദന്ത ശ്രവണം കൊണ്ടോ, ലഭ്യനല്ല. ഏതൊരു സാധകൻ ആത്മജ്ഞാനത്തിൽ ജിജ്ഞാസുവാകുകയും അതുലഭിക്കാനായി സാധനകൾ അനുഷ്ഠിക്കുകയും ചെയ്യുമ്പോളാണ് ആത്മദർശനമുണ്ടാവുന്നത്. ജീവാത്മപരമായ ഐക്യം എന്ന ബോധം വന്ന സാധകന് ആത്മജ്ഞാനം നേടുവാൻ കഴിയുകയുള്ളൂ. ഈശ്വരാനുഗ്രഹത്താൽ ആത്മജ്ഞാനത്തിന് യോഗ്യനാണെന്ന് വന്നാലെ ജ്ഞാനം ലഭിക്കുകയുള്ളൂ. ഈശ്വരൻ ആചാര്യരൂപത്തിൽ വന്ന് ഉപദ്ദേശം നൽക്കുവാൻ തയ്യാറാകണമെന്ന് സാരം.
ദുഷ്പ്രവൃത്തികളിൽ നിന്നും വിരമിക്കാത്തവൻ പ്രജ്ഞാനം കൊണ്ട് ആത്മാവിനെ പ്രാപിക്കുകയില്ല. അശാന്ത മനസ്സിനു ഉടമയായവനും സാധ്യമല്ല. അസമാഹിതനായ മനസ്കനും ( ഏകാഗ്രഹീനമായ മനസ്സ് ) സാധ്യമല്ല. ആത്മതത്ത്വമറിഞ്ഞവൻ നിർഭയനായി ഭവിക്കുന്നു. ഏറ്റവും വലിയ ഭയമായ മരണഭയവും നിസ്സാരമായി തോന്നുന്നു. ആ മരണഭയമകട്ടെ ലോകത്തിൽ എന്തിനെയും സംഹരിക്കാൻ കഴിവുള്ള മൃത്യുപോലും ആത്മജ്ഞാനിക്ക് "ഒഴിച്ചുകൂട്ടുന്ന കറിമാത്രമാണ്", അന്നം പോലും അല്ല. ആത്മജ്ഞാനിയുടെ നിർഭയമായ മനസ്സിനെ ഇളക്കാൻ ലോകത്തിലെ ഒരു ശക്തിക്കും കഴിയില്ല.
....അപ്പോൾ ആത്മജ്ഞാനം നേടിയവന്റെ ശക്തി എത്രയായിരിക്കും എന്ന് ഊഹിക്കാമല്ലോ!!!

കടപ്പാട് ഗുരു പാരമ്പരയോട്